Забони давлати (точики)

Zaboni Davlatov (Tochiki) Xingfu 5

Шумо китоби зебои "Забони давлатӣ”-ро варақ зада,

бо мӯҳтавои он ошно мегардед.

Дар қаламрави Ҷумҳурии Тоҷикистон забони тоҷикӣ -

забони давлатӣ буда, яке аз забонҳои қадима ба шумор

меравад. Ин забои хеле ширин ва гуворост. Бо ин забон

адибони машҳури дунё, ба монанди Абӯабдуллоҳи

Рӯдакӣ, Абулқосими Фирдавсӣ, Носири Хусрав, Саъдии

Шерозӣ, Ҳофизи Шерозӣ, Камоли Хуҷандӣ, Абдураҳмони

Ҷомӣ, Бадриддини Ҳилолӣ, Аҳмади Дониш, Шамсиддини

Шоҳин, Садриддин Айнӣ, Мирзо Турсунзода ва дигарон

асарҳои гаронбаҳо эҷод кардаанд. Яъне ба забони

тоҷикӣ асарҳои зиёди адабӣ, илмӣ ва методӣ навишта

шудаанд.

Шумо ҳангоми ҷавоб додан ба саволҳо ва иҷро

намудани супоришҳои ин китоб бо нозукиҳои забони

тоҷикӣ ошно гардида, саъю кӯшиш ба харҷ диҳед, то

барои боз ҳам хубтару беҳтар омӯхтани он замина пайдо

намоед.

Дар вақти қироат ё навиштани порчаҳои назмиву

насрӣ, бахусус матнҳо, аз боби луғат (барои пурра

омӯхтани мавзӯъҳо таркибу ибораҳоро низ мисол

овардем) самаранок истифода намуда, савияи дониши

хешро торафт баланд бардоред.

Агар мабодо дар ёфтани луғатҳои боқимонда

душворӣ кашед (зеро овардани ҳамаи калимаҳо аз имкон

берун аст), он гоҳ ба луғатҳои тоҷикӣ-русӣ ва ё тоҷикӣӯзбекӣ

нигаред. Беҳтараш, ба устодон ва ё падару

модарон муроҷиат намоед.

Барои ҳарчи зудтар аз худ кардани ин забон ба шумо

муваффақиятҳо хоҳонем. Соли таҳсили нав муборак!